Terras ricas e fértiles regadas polo río Ouro,
son características do Valadouro as máis bravas e espectaculares
Rapa das Bestas de Galicia
A Rapa das Bestas de Valadouro
A
Rapa das Bestas de Recaré, celebrada no mes de agosto, é
unha sobranceira festa declarada de Interese Turístico Nacional.
Do Valadouro son as máis espectaculares Rapa de Bestas de toda Galicia;
Os mozos baixan as bestas salvaxes desde o Xistral ata os curros do val,
onde se lle rapan as crins ás bestas e se marcan a lume, loitando
corpo a corpo o home e o cabalo.
Ademais desta anterga celebración etnográfica, organízase
tamén no Valadouro un mercado semanal e unha feira de gando os mércores
de mediados de mes. Son moi populares as festas patronais de Ferreira,
as Festas do Oito, celebradas o 8 setembro. Goza igualmente de grande sona
a exquisita Feira do Mel, organizada no mes de outubro.
Valadouro turístico
Regando
as verdes e fértiles terras de Alfoz e Foz
en descenso cara ao Cantábrico, o río Ouro ten sona
de ter contido ricas cantidades deste mineral prezado. Nacido nas serras
de Buio e Cadramón, no Xistral de Muras
e Abadín, son estas as montañas
máis septentrionais de Galicia, con alturas superiores aos 1000m.
e con paisaxes salvaxes de singular beleza.
Legado da riqueza arqueolóxica do Valadouro quedan os
castros de Recaré, Budián e Moucide, as antas
de Sinás e de Freixulfe, e máis o círculo
lítico do Prado das Chantas, un dos escasos cromlechs
conservados en Galicia.
En Santa Cruz encóntrase o Pazo de Gradaille, do séc.XVI,
en Recaré domina a vista do val a Torre de Parga, e en Cadramón
está a enxebre Capela de Santa Filomena, donada no ano 992 ao Bispado
bretoñés polo Rei Ordoño. Na parroquia de Budián
consérvase unha célebre cesteiría artesana do mimbre,
e en Ferreira trabállanse as almadreñas.
Para saber más sobre O Valadouro:
Concello de O Valadouro: Feira Nova, 1. A Ferreira / tel. 982 574 000 |