Terra reputada pola excelente calidade da súa Faba, o
Museu de Arte Sacro do Mosteiro de Lourenzá garda un sartego de
mármore único en Europa
O sartego de mármore do Conde Santo
No
ano 969 o Conde Osorio Guterres, curmán do Rei Ordoño, fundou
o mosteiro de San Salvador de Lourenzá recluíndose como frade
á morte da súa muller. Sendo considerado como Santo polas
xentes do lugar, o Conde Osorio trouxo dunha viaxe súa á
Terra Santa un sartego de mármore de características únicas
en Europa.
O Mosteiro de Lourenzá, declarado Monumento Histórico-Artístico,
consta da casa abacial e da igrexa, reformada en 1732 en estilo barroco
polo mestre arquitecto da Catedral de Compostela Casas e Novoa.
No seu interior está o Museu de Arte Sacro, que atesoura
un dos relicarios máis importantes do arte galego, no que destaca
o antedito sartego paleocristián do Conde Santo.
A
Festa da Faba de Lourenzá
Terras gandeiras e forestais productoras de fabas e mobles de primeira
calidade, son de excepcional beleza as súas paraxes naturais
do Val da Cazolga, apreciado couto de pesca no que se encontra a ponte
de 1796 sobre o río Masma. Remontando o río Batán
cara a Riotorto enxérganse longas vistas do Masma, A
Pontenova, Trabada e Abres.
Dos monumentos arquitectónicos de Lourenzá destacan tamén
as igrexas parroquiais de San Xurxo e San Adrao e o Pazo de Tovar,
obra exemplar do estilo gótico-isabelino. Gozan de grande sona na
comarca a Festa do Conde Santo, o último sábado de
Agosto, e especialmente a gastronómica e folclórica Festa
da Faba no mes de outubro. Celébranse seculares feiras os
días 9 e 28 de cada mes, máis outra de carácter anual
nas festas de San Marcial en outubro.
Para saber máis sobre Lourenzá:
Concello de Lourenzá: praza do Conde Santo, Vilanova / tel.
982 121 006 |