A montaña nororiental do Reino de Galicia

Allande era a porta do Reino de Galicia para os peregrinos xacobeos que tomaban o Camiño do Norte no seu andar a Santiago de Compostela. A Cordal d’El Palo marca o linde cultural e lingüístico dos Galaicos, aínda que varias isoglosas do idioma galego inflúen ata as comarcas de Cangas de Narcea e Degaña, e todavía ata Oviedo, no centro de Asturias. 

As tempranas altitudes Ancaresas do Alto d’El Palo marcan igualmente a divisoria hidrográfica da cunca do Navia, descendendo polas abas galegas os ríos Or, Carondio, Louredo e Trabaces. Desde o porto d’El Palo, mitolóxica morada de célticas personaxes seguindo a tradición local, enxérganse abraiantes panorámicas paisaxísticas da comarca ata Eilao, Pezós e Villallón. 

Invernías alturas como o Ouria de 1366m ou El Panchón de 1411m acádanse na rica e montesa Paraxe Protexida das Serras de Carondio e Valledor. Destacan neste espacio natural as fragas de Montefurado e Valledor, os Teixos de Santa Coloma e de Lago, declarados Monumentos Naturais, os corcheiros de Boxo, e máis a excepcional reserva faunística de osos, lobos, pitas do monte, xabaríns, corzos, lebres e aves rapaces. 
 

Para saber máis de Allande:
Concello de Allande: Avenida Donato Fernández, 2 / tel: 985 807 004