Sargadelos,
a xenuína cerámica de Galicia
A
calidade dos recursos naturais do solo de Cervo motivaron ao Marqués
de Sargadelos, natural de Ferreirela
de Oscos, a establecer no séc.XVIII na parroquia homónima
unha fábrica de louza que foi o primeiro alto forno
do sur de Europa, confirmado por Real Cédula de Carlos
V en 1791.
Desde
1845, Edwin Forester situou ás características pezas de louza
branca de Sargadelos entre as máis prestixiosas cerámicas
de Europa, ata que neste século o Laboratorio de Formas de Galicia
e Cerámicas do Castro tomaron a dirección do centro alfareiro,
innovando a tradición celto-galega con novas técnicas e ideas.
A Feira de Mostras de Veigadeo
Denominada A Veiga de Ribadeo ata comezos do séc.XX,
eran estas terras famosas polo curtido de peles, ferreiría,
e mais pola sua industria de construcción de barcas. A
ría do Eo constituía de Ribadeo
ata Abres
a secular e principal vía de comunicación da comarca,
cunha dinámica actividade de constante tránsito
de embarcacións comerciais, pesqueiras e de transporte.
Como centro comercial da ría do Eo, Veigadeo acolle anualmente
cada mes de xullo a Feira Internacional de Mostras, ponto capital
de intercambio industrial, agrícola e artesanal. Unha das economías
máis dinámicas do oriente galego, celébranse mercados
regulares cada xoves e sábado, ofertando os mellores productos agropecuarios
e artesanais.
Burela, Principal
porto boniteiro do Mar Cantábrico
Vila
urbana desenvolvida recentemente gracias á importancia económica
do porto e dos seus equipamentos sanitarios e administrativos, Burela é
o porto cantábrico líder en captura do Bonito do Norte,
Príncipe Azul de calidade suprema que dinamiza extraordinariamente
a actividade portuaria durante o verán.
Os productos do mar, peixes e mariscos son a especialidade culinaria
de Burela, que celebra na primeira semana de agosto a gastronómica
e abondosa Feira do Bonito. Destacan tamén os eventos lúdico-comerciais
da Feira Monográfica do Mar, Expomar, en maio, ou a Feira de Mostras
en agosto. |